وزارت داخلهی تاجیکستان صبح امروز اعلام کرد که نیروهای امنیتی این کشور اعضای یک گروه فراملی قاچاق مواد مخدر را با 6.5 کیلوگرام چرس دارای منشا افغانستان بازداشت کردهاند.
این افراد همگی شهروندان تاجیکستانی هستند و قصد داشتند مواد مخدری را که «در افغانستان تهیه شده بود»، به خارج از تاجیکستان انتقال دهند.
آنان در بازداشت موقت به سر میبرند و در پیوند به این رویداد پروندهی جنایی تشکیل شده است. تحقیقات در مورد این قضیه همچنان ادامه دارد.
هرچند کشت و تولید مواد مخدر در افغانستان طی سالهای گذشته به شدت کاهش یافته است، اما این روند هنوز ادامه دارد.
مقامهای کشورهای ازبیکستان، تاجیکستان و ایران هر چند وقت یکبار از ضبط مواد مخدر دارای منشا افغانستان خبر میدهند.
گفتنی است که قاچاقبران در ولایت بدخشان هرازگاهی تلاش میکنند با عبور از مرز رسمی، مواد مخدر را به تاجیکستان انتقال دهند.
تاجیکستان دهها تن از شهروندان افغانستان که در این تلاشها مشارکت داشتند را در پی درگیری مسلحانه از بین برده است.
