اندری بلوسوف، وزیر دفاع روسیه، روز گذشته در مراسمی به مناسبت سیوپنجمین سالگرد استقلال تاجیکستان گفته است که مسکو «توجه ویژهای» به تقویت مرز مشترک تاجیکستان و افغانستان دارد.
بلوسوف در ادامهی این اظهارات افزوده است: «پایگاه نظامی روسیه در تاجیکستان در وضعیت آمادگی برای مقابله با تهدیدهای خارجی قرار دارد و همکاری نزدیک دربارهی نحوه استفاده از آن برقرار شده است.»
به گفتهی بلوسوف، در تاجیکستان نیروهای مسلحی وجود دارند که توانایی دفاع از منافع و حاکمیت کشور خود را دارند. او با بیان این که تاجیکستان «متحد و شریک راهبردی کلیدی» روسیه بوده و خواهد بود، از دوشنبه برای ایفای نقش خود در تقویت امنیت منطقهای و امنیت جمعی قدردانی کرده است.
وزیر دفاع روسیه میگوید که میان دو کشور همکاری نزدیک نظامی و اقتصادی برقرار شده است و مسکو در زمینهی ارتقای تواناییهای نیروهای مسلح تاجیکستان متناسب با شرایط روز و چشماندازهای جنگ و عملیاتهای رزمی، کمک و همکاری میکند.
امروز مصادف با سیوپنجمین سالگرد استقلال تاجیکستان است. هرساله از این روز به گونهی رسمی در تاجیکستان تجلیل به عمل میآید.
امسال شماری از نویسندگان و شهروندان افغانستان به تاجیکستان سفر کرده و در مراسم رسمی شرکت کردند. این در حالیست که هیچ یک از نمایندگان طالبان به این مناسبت به تاجیکستان نرفته و رژیم این گروه هیچ پیام تبریکی نداده است.
سازمان پیمان امنیت جمعی قرار است در هفتههای پیشرو برای تقویت مرز تاجیکستان به افغانستان، نخستین محمولهی تجهیزات و تسلیحات لازم را بفرستد.
