امام علی رحمان، رییسجمهوری تاجیکستان، صبح امروز (جمعه، 23 اسد) با امیدجان ناصرزاده، رییس ناحیهی درواز، به صورت تلفونی گفتوگو کرد.
در جریان این گفتوگو رحمان به خانوادهی جسمینه شیرین جان، زنی که روز گذشته در نتیجهی تیراندازی از افغانستان کشته شد، ابراز همدردی کرد.
رییسجمهوری تاجیکستان همچنین برای ارائهی کمکهای مادی و معنوی به خانوادهی داغدار و همچنین زیرنظرگرفتن روند پرورش کودک خردسال شیرین جان دستورات و توصیههای لازم را صادر کرد.
به گفتهی دفتر ریاستجمهوری تاجیکستان، این زن 21 ساله روز گذشته در پی شلیک افراد مسلح از خاک افغانستان کشته شده است.
نهادهای ذیربط در تاجیکستان تحقیقات خود دربارهی این رویداد را آغاز کردهاند.
بیشتر بخوانید: همزمان با درگیریها در بدخشان؛ یک زن جوان در تاجیکستان در نتیجهی تیراندازی «از افغانستان» کشته شد
