کمیتهی ملی آمار ازبیکستان روز گذشته اعلام کرده است که در شش ماه نخست سال جاری میلادی 35 هزار و 401 شهروند خارجی، به شمول یک هزار و 280 شهروند افغانستان، برای درمان به آن کشور سفر کردهاند.
بر بنیاد گزارش، بخش عمدهی بیماران خارجی را شهروندان کشورهای آسیای مرکزی تشکیل میدهند؛ به گونهای که سهم تاجیکستان به تنهایی 19 هزار و 96 تن است.
قرغیزستان با 9 هزار و 552 تن و قزاقستان با 4 هزار و 582 تن در ردههای بعدی قرار دارند.
از جنوری تا جون سال 2026 میلادی 772 شهروند روسیه و 119 شهروند از کشورهای دیگر خدمات درمانی را در ازبیکستان دریافت کردهاند.
آمارهای رسمی نشان میدهند که در سال 2025، بیش از 86 هزار شهروند خارجی برای درمان به ازبیکستان سفر کرده بودند.
آمارها نشان میدهند که تقاضا برای خدمات پزشکی ازبیکستان در میان شهروندان خارجی همچنان بالا است و کارشناسان این امر را ناشی از نوسازی پیوستهی نظام صحی ازبیکستان، توسعهی مراکز صحی تخصصی و استفاده از روشهای نوین برای تشخیص و درمان بیماران میدانند.
