وزارت داخلهی تاجیکستان امروز اعلام کرده است که یک مرد 22 سالهی اهل افغانستان در شهر خجند به ظن کشتن یک زن 29 ساله بازداشت شده است.
این وزارتخانه در بیانیهای گفت که فرد بازداشتشده محمد عمر رحمانی نام دارد و به طور غیرقانونی در تاجیکستان زندگی میکرد.
بر بنیاد بیانیه، فرد نامبرده متهم است که در شامگاه 10 ثور «عزیزه وحیدوا»، باشندهی خجند، را با چاقوی بزرگ و با «بیرحمی خاص» به قتل رسانده است.
وزارت داخلهی تاجیکستان گفته که رحمانی «از روی احساسات شدید شهوانی» دست به این اقدام زده و در محل رویداد بازداشت شده است.
مسئولان علیه مظنون به اتهام قتل عمد پروندهی جنایی باز کردهاند و او هم اکنون در بازداشت به سر میبرد.
وزارت داخلهی تاجیکستان از شهروندان افغانستان خواسته است که به قوانین، رسوم و سنتهای آن کشور احترام بگذارند و وضعیت اقامتی خود را رسمی سازند.
