ظفر صمد، رییس ادارهی مبارزه با مواد مخدر تاجیکستان اعلام کرد که در سال 2025 در امتداد مرز افغانستان و تاجیکستان 17 مورد درگیری مسلحانه با «قاچاقچیان افغانستان» رخ داده است که در نتیجهی آنها 10 شهروند افغانستان از بین برده شدند.
این در حالیست که در سال 2024 میلادی 3 تن از افغانستان در 6 درگیری در امتداد این مرز کشته شده بودند.
ظفر صمد گفت در زمینهی مهار قاچاق مواد مخدر از افغانستان به آن کشور، هیچگونه همکاری میان دوشنبه و طالبان وجود ندارد. او گفت که حتی در این باره گفتوگویی نیز صورت نگرفته است.
این در حالیست که ذبیحالله مجاهد، سخنگوی طالبان، پس از وقوع واپسین رویداد در امتداد مرز با تاجیکستان، گفت که نیروهای این گروه با نیروهای تاجیکستانی در بخش جلوگیری از قاچاق مواد مخدر هماهنگی و همکاری دارند.
مقامهای طالبان و تاجیکستان گفتهاند که قاچاق مواد مخدر از افغانستان به تاجیکستان هنوز متوقف نشده است.
به گفتهی صمد، قاچاقچیان مواد مخدر افغانستان همچنان از طریق تاجیکستان به دیگر کشورها مواد مخدر انتقال میدهند.
او افزود که در سال 2025، در امتداد مرز با افغانستان 2.742 تُن مواد مخدر کشف و ضبط شده که در مقایسه با سال قبلی یک تُن بیشتر است.
صمد در نشست خبری روز گذشتهی خود گفت که از این میان، 2.566 تُن در امتداد مرز با ولایت ختلان و 186 کیلوگرام در امتداد مرز با ولایت خودمختار کوهستان بدخشان کشف و ضبط شدهاند.
