کمیتهی امنیت ملی جمهوری تاجیکستان در اعلامیهای گفت که 5 قاچاقچی اهل افغانستان حوالی ساعت 7:30 شام گذشته به صورت غیرقانونی وارد قلمرو آن کشور شدند.
بر بنیاد اعلامیه، در درگیری با نیروهای تاجیکستانی، سه قاچاقچی کشته شدند و دو تن دیگر به افغانستان عقبنشینی کردند.
این رویداد در منطقهی شمسالدین شاهین ولایت ختلان تاجیکستان رخ داده است.
کمیتهی امنیت ملی تاجیکستان گفت که قاچاقچیان با نافرمانی از دستور مرزبانان، با استفاده از جنگافزار مقاومت مسلحانه نشان دادند و تلاش کردند به سمت افغانستان عقبنشینی کنند. در نتیجه، جاوید فرزند دولتمند، رشید فرزند دولتمند و صابر ولد ظاهر، همه از ولسوالی چاهآب تخار، کشته شدند.
نیروهای تاجیکستانی پیکرهای قاچاقچیان را با سه قبضه کلاشینکوف، 150 گلوله، 4 بوجی حاوی 73 بسته مواد مخدر از انواع حشیش و تریاک و یک قایق کشف و ضبط کردند.
نیروهای مرزبانی کمیتهی امنیت ملی جمهوری تاجیکستان اعلام کردند که برای تامین امنیت مرزها تمامی تدابیر لازم را روی دست دارند و با افرادی که به صورت قاچاقی از مرز عبور میکنند، به گونهی قاطع مبارزه خواهند کرد.
در اعلامیه آمده که در حال حاضر وضعیت تحت کنترول است و بررسیها در مورد این رویداد جریان دارند.
در دو ماه 5 رویداد در مرز افغانستان و تاجیکستان رخ داد
در حدود دو ماه گذشته 5 رویداد مرگبار در مرز افغانستان و تاجیکستان رخ داده که مجموعاً جان 17 تن را گرفتند. 4 مورد از این رویدادها «هراسافگنانه» و یک مورد دیگر «عبور غیرقانونی قاچاقچیان مسلح» عنوان شده است.
در 5 قوس حملهی مسلحانهای با استفاده از پهپاد و جنگافزار بر کارگران یک شرکت در تاجیکستان صورت گرفت که منجر به کشتهشدن 3 کارگر چینی شد.
در 9 قوس حملهای از ولسوالی مایمی بدخشان به کارکنان شرکت «چاینا رود اند بریج» در درواز تاجیکستان صورت گرفت که به مرگ دو چینی انجامید.
رییسجمهوری تاجیکستان گفت که این حملات از سوی شهروندان افغانستان صورت گرفته و در آنها 5 تن نیز زخمی شدند.
چندین «هراسافگن» در 4 جدی از افغانستان وارد تاجیکستان شدند و در درگیری با نیروهای تاجیکستانی، سه شبهنظامی و دو مرزبان از بین رفتند.
در 28 جدی 4 فرد «هراسافگن» که از ولایت بدخشان افغانستان وارد تاجیکستان شده بودند در درگیری با نیروهای تاجیکستانی کشته شدند.
امیرخان متقی، وزیر خارجهی طالبان در جریان این حملات با همتای تاجیکستانی خود تماس گرفته و «حلقات مغرض» را عامل این رویداها خوانده بود. او گفت که هدف از این حملات، تیرهکردن روابط طالبان و تاجیکستان است.
طالبان پیشتر گفته بود که چند تن را در پیوند به حمله به تاجیکستان بازداشت کرده است.
