ولادیمیر پوتین، رییسجمهوری روسیه و امام علی رحمان، رییسجمهوری تاجیکستان در مورد تحولات افغانستان به صورت تلفونی گفتوگو کردند.
کرملین چاشت امروز (چهارشنبه، 10 جدی)، اعلام کرد که دو طرف روی تمایل خود برای تقویت روابط راهبردی و همکاریها تاکید کردند.
این دیدار در حالی صورت گرفته که تاجیکستان از حملات از خاک افغانستان نگران است و به دنبال تقویت امنیت مرزهای خود با این کشور میباشد.
خبرگزاری رویترز پیشتر گزارش داد که تاجیکستان برای تامین امنیت مرزهایش با افغانستان، از روسیه درخواست کمک کرده است، این گزارش از سوی دوشنبه رد شد.
تا اوایل دههی ۲۰۰۰ میلادی، نیروهای تاجیکستانی و روسی به صورت مشترک از مرز تاجیکستان با افغانستان محافظت میکردند. تاجیکستان در سال ۲۰۰۵ میلادی این مسئولیت را به تنهایی به دوش گرفت.
در یک ماه، دستکم سه حمله از خاک افغانستان بر تاجیکستان شد. در این حملات دو سرباز تاجیکستانی و 5 شهروند چینی کشته شدند.
