سخنگوی کرملین اعلام کرده است که امام علی رحمان، رییسجمهوری تاجیکستان، هنگام دیدار امروز خود با ولادیمیر پوتین، وی را در جریان وضعیت در مرز با افغانستان قرار داده است.
ولادیمیر پوتین امروز در دوشنبه با همتای تاجیکستانی خود پیرامون طیف گستردهای از موضوعات دوجانبه و چندجانبه گفتوگو کرده است.
دیمیتری پسکوف، سخنگوی کرملین، میگوید که طرفین در این دیدار بر اهمیت حضور پایگاه نظامی روسیه در تاجیکستان تاکید کردند.
به گفتهی او، در مرز مشترک افغانستان و تاجیکستان رویدادهایی به وقوع میپیوندند و قاچاقچیان همچنان در آنجا فعال هستند.
پسکوف تاکید کرده است که با این حال، نوعی از «ثبات و قابلپیشبینیبودن» در این منطقهی مرزی حاکم است و «قاچاقچیان همیشه وجود داشتهاند.»
او گفته است که همکاری میان نهادهای مرزی و متخصصان در این زمینه نقش مهمی دارد.
پوتین از شهر شنژن چین، جایی که در نشست سران سازمان همکاری اقتصادی آسیا و اقیانوسیه (اپک) شرکت کرده بود، به پایتخت تاجیکستان پرواز کرد.
او روز گذشته گفته بود که در دیدار با امام علی رحمان، دربارهی وضعیت افغانستان و چشمانداز گسترش همکاریها در ارتباط با این کشور گفتوگو خواهد کرد.




