امیرخان متقی اعلام کرد که طالبان تحقیقات خود را در پیوند به رویدادهای پسین در مرز افغانستان و تاجیکستان به طور جدی آغاز کرده است.
او امروز در مراسمی به مناسبت سالروز تهاجم اتحاد جماهیر شوروی پیشین به افغانستان گفت که با سراج‌الدین مهرالدین، وزیر خارجه‌ی تاجیکستان تماس گرفته است و افزود که دو طرف مشترکاً تلاش می‌کنند تا از تکرار چنین رویدادهایی جلوگیری شود.
در یک ماه گذشته دست‌کم ۳ حمله از خاک افغانستان به تاجیکستان صورت گرفته است و در این حملات ۲ نیروی تاجیکستانی، ۵ شهروند چینی و ۳ شبه‌نظامی کشته شدند.
تاجیکستان پس از سومین حمله، از طالبان خواست از مردم آن کشور عذرخواهی کند.
متقی اما در نخستین اظهاراتش پس از این رویداد، بدون عذرخواهی گفت که برخی از حلقات مغرض به دنبال تخریب روابط طالبان و تاجیکستان هستند و می‌خواهند فضا را ناآرام جلوه دهند.
