کمیتهی امنیت ملی تاجیکستان، روز گذشته (دوشنبه، 10 قوس)، از طالبان خواست تا عاملان دو حملهی پسین به آن کشور را بازداشت کند.
به گفتهی تاجیکستان، در این حملات که از خاک افغانستان صورت گرفتهاند، ۵ شهروند چینی کشته شدند و ۵ تن دیگر زخم برداشتند.
این نهاد در بیانیهای گفت که طالبان باید اقدامهای موثر و به موقع برای تامین امنیت و ثبات در نقاط مرزی تاجیکستان و افغانستان انجام دهد.
کمیتهی امنیت ملی تاجیکستان افزود که این کشور اقدامهایی برای تقویت مرزها و تامین امنیت شهروندان خود و همچنین اتباع خارجی انجام خواهد داد. مشخص نیست این اقدامها دقیقاً شامل چه مواردی میشوند.
در بیانیه آمده که اکنون وضعیت در مرز عادی است و تحقیقات دربارهی حملات پسین از خاک افغانستان جریان دارند.
وزارت خارجهی تاجیکستان قبلا گفته بود که در 5 قوس، مهاجمان با استفاده از جنگافزار و پهپاد، از افغانستان به ولایت ختلان حمله کردهاند. در این حمله سه کارمند چینی شرکتی به نام «شاهین» کشته شدند.
کمیتهی امنیت ملی تاجیکستان گفت که حوالی ساعت 6:45 عصر 9 قوس «اعضای یک گروه مسلح هراسافگن» از ولسوالی مایمی بدخشان افغانستان به کارکنان شرکت چینی در درواز تاجیکستان حمله کردند. در پی این رویداد، دو شهروند چینی کشته شدند و دو تن دیگر زخمی شدند.
وزارت خارجهی طالبان پس از حملهی نخست، در بیانیهای برای شناسایی عاملان این رویداد، اعلام همکاری کرد.
این وزارتخانهی طالبان گفت که بر اساس ارزیابیها و اطلاعات اولیه، در این رویداد «حلقاتی دخیل هستند که در منطقه تلاش میکنند آشوب، بیثباتی و بیاعتمادی میان کشورها» ایجاد کنند.
طالبان گفت اطمینان میدهد که با دولت تاجیکستان «کاملاً» همکاری میکند و برای شناسایی عاملان این رویداد، آمادهی تبادل اطلاعات، همکاری فنی و ارزیابی مشترک است.
طالبان تا کنون 2 تن را در پیوند به حملات به تاجیکستان بازداشت کرده است.
