وزارت خارجهی تاجیکستان با انتشار بیانیهای اعلام کرد که شب گذشته یک حملهی مسلحانه از خاک افغانستان بر آن کشور صورت گرفته است.
این وزارتخانه گفت که هدف حملهی یادشده اردوگاه کارمندان شرکت خصوصی «شاهین» بوده و در نتیجه، سه کارمند این شرکت که شهروندان چین بودند، کشته شدند.
در بیانیه آمده که مهاجمان با استفاده از جنگافزار و پهپاد مجهز به نارنجک به ولایت ختلان تاجیکستان حمله کردهاند.
وزارت خارجهی تاجیکستان گفت: «به رغم تلاشهای پیوستهی تاجیکستان برای حفظ امنیت و ایجاد فضای صلح و ثبات در مناطق مرزی تاجیکستان و افغانستان، اقدامهای برهمزنندهی گروههای جنایتکار مستقر در افغانستان همچنان ادامه دارند.»
تاجیکستان این حمله را اقدامی «هراسافگنانه» خواند و آن را به شدت نکوهش کرد.
این کشور از طالبان خواست که تدابیر موثری برای تامین امنیت در مرز میان افغانستان و تاجیکستان به کار گیرد.
این رویداد در حالی اتفاق افتاده که روز گذشته یک هیات طالبان، به شمول محمد اسماعیل غزنوی، والی طالبان در بدخشان و عبدالمنان حسان، معاون نظامی پولیس مرزی این گروه به تاجیکستان سفر کرد.
