یوسف وفا، والی طالبان در بلخ به دعوت رسمی دولت تاجیکستان، امروز (پنجشنبه، اول عقرب)، همراه با شماری از مقامهای دیگر طالبان به شهر دوشنبه سفر کرد.
عطاءالله زید، سخنگوی والی طالبان در بلخ با اعلام این خبر گفت که وفا در نشستی در پایتخت تاجیکستان، ابراز امیدواری کرده که «دوستی» میان طالبان و تاجیکستان پایدار بماند.
وفا گفت که نیروهای طالبان 20 سال برای ایجاد یک «نظام شرعی» قربانی دادهاند و اکنون حاضر هستند برای بقا و استقلال آن جان دهند.
یوسف وفا گفت که طالبان و تاجیکستان باید روابط دیپلوماتیک، اسلامی، فرهنگی، سیاسی، اقتصادی، اجتماعی، بازرگانی و علمی برقرار کرده و برای تحکیم آن کار کنند.
او همچنین تاکید کرد که پیشرفت اقتصادی افغانستان به نفع همه است، در حالی که هرگونه ناامنی در این کشور به ضرر همسایگان خواهد بود.
والی طالبان بر ضرورت مبارزهی مشترک با هراسافگنی تاکید کرد.
بیشتر بخوانید: شبکهی خبری الجزیره: تاجیکستان به طالبان نزدیک و از مخالفان این گروه دور میشود
